په غزني ولایت کې د پېښو له امله د ۱۹ شهیدانو ورثه او ټپیانو نغدي، خوراکي او غیرخوراکي مرستې ترلاسه کړې
له پېښو سره د مبارزې آمادګۍ ملي ادارې د مشرتابه په لارښوونې، د غزني ولایت له پېښو سره د مبارزې آمادګۍ ریاست، ۱۹ کورنیو ته چې د کورنۍ غړي یې د طبیعي او غیرطبیعي پېښو له امله له لاسه ورکړي و، له سروې وروسته نغدي، خوراکي او غیرخوراکي مرستې ووېشلې.
د یادونې ده چې، د ۱۵ شهیدانو هر ورثه ته ۴۰،۰۰۰ افغانۍ نغدي پیسې، له یادې جملې ۳ شهیدانو کورنۍ ته چې په قره باغ ولسوالۍ کې د ماین چاودنې له امله شهیدان شوې و، د هر شهید کورنۍ ته ۱۰۰ کیلو غنم، ۵۰ کیلو وریجې، ۱۰ لیټره غوړي او یوه روغتیایي کڅوړه، او د ماین چاودنې له امله ۴ ټپیانو هر یو ته ۱۰۰ کیلو غنم، ۵۰ کیلو وریجې او ۱۰ لیټره غوړي ووېشل شول.
د یادونې وړ ده چې، د دې مرستو ترلاسه کونکو مننه او قدردانۍ څرګنده کړه او له پېښو سره د مبارزې آمادګۍ ملي ادارې له مشرتابه یې د لا زیاتو همکارۍ غوښتنه وکړه.
نېټه: ۱۴۴۶/۴/۲۰
له پېښو سره د مبارزې آمادګۍ ملي اداره
