له پېښو سره د مبارزې آمادګۍ ملي ادارې لوی رئیس د کندهار ولایت له پېښو سره د مبارزې آمادګۍ ریاست د نوي جوړیدونکي ودانۍ د رغنیزو چارو څخه لیدنه وکړه
نن ورځ شنبه، له پېښو سره د مبارزې آمادګۍ ملي ادارې لوی رئیس محترم الحاج ملا نورالدین د کندهار ولایت له پېښو سره د مبارزې آمادګۍ ریاست د نوي جوړیدونکي ودانۍ د رغنیزو چارو څخه لیدنه وکړه او دکار پر چټکتیا او شفافیت یې ټینګار وکړ.
ښاغلی ترابي صاحب د ودانۍ د جوړونې چارې له نږدې وڅارلې او د کار پر کیفیت، چټکیتا او شفافیت یې ټینګار وکړ هغه له مسؤلو انجنیرانو او قراردادي شرکت څخه د ودانۍ د جوړېدو د پرمختګ، د موادو د کیفیت، او د انجینرۍ د اصولو د رعایت په اړه پوښتنې وکړې.
همدا راز نوموړي زیاته کړه چي زموږ اداره یو بشر پاله اداره ده او خلګو ته چټک خدمات کوو نو باید د نوي جوړیدونکي ودانۍ ټول کارونه هم شفاف، مسلکي او ژر تر ژره بشپړ شي تر څو زموږ کارکوونکي یو مناسب کاري چاپېریال ولري او خلکو ته ښه خدمات وړاندې کړي.
د یادي ادارې لوی رئیس له انجنیرانو وغوښتل چې د وخت پابندي وساتي او د پروژې ټول مراحل له تخنیکي معیارونو سره سم مخ ته یوسي.
نیټه: ۱۴۴۷/۵/۳ هــ ق
له پېښو سره د مبارزې آمادګۍ ملي اداره
