له پېښو سره د مبارزې آمادګۍ ملي ادارې سرپرست په تورخم کې ددې ادارې اړوند د کډوالو په پنډغالي کې دتیر ورځو په څیر د ۱۷ کاري کمېټو څخه راپور واخیست
نن ورځ دو شنبه د سهار په ۵:۳۰ بجې له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د تورخم په پنډغالي کې چې د دې ادارې لخوا د جبري راستنېدونکو لپاره جوړ شوی، د یاد کمپ له ۱۷ کاري کمېټو سره غونډه وکړه او د هغوی دتیري ورځي کاري راپورونه واورېدل.
ترابي صاحب, د هرې کمیټې له مسؤلینو څخه هغوی ته د سپارل شوو دندو په اړه پوښتنې وکړې، او په جلا جلا توګه یې د هغوی راپورونه واورېدل او زیاته یې کړه چې زه هڅه کوم چي په کمپ کي ټولي اسانتیاوي برابري کړم.
همداراز، د ادارې سرپرست له پېښو سره د مبارزې آمادګۍ ملي ادارې د کمیټو د مسؤلینو او د کارکوونکي کاري بهیر ګړندي کولو ته وهڅول او هغوی ته یې اړینې سپارښتنې او لارښوونې وکړې.
نېټه: ۱۴۴۶/۱۰/۲۳ هــ ق
له پېښو سره د مبارزې آمادګۍ ملي اداره
