له پېښو سره د مبارزې آمادګۍ ملي ادارې سرپرست د فراه ولایت په ښار کې د اوبو د دوو کانالونو څخه لیدنه وکړه
نن ورځ یکشنبه، له پېښو سره د مبارزې آمادګۍ ملي ادارې سرپرست, محترم الحاج ملا نورالدین ترابي، فراه ولایت ته د خپل سفر په دوام کې، د فراه ښار د اوبو د دوو کانالونو څخه لیدنه وکړه.
په دې لیدنه کې، ترابي صاحب د کانالونو وضعیت د نږدې څخه ولیدې او شته ستونزې یې د فراه ولایت د مرستیال والي سره شریکې کړې. هغه د مرستیال والي سره ژمنه وکړه چې له پېښو سره د مبارزې آمادګۍ ملي اداره به د فراه په ښار کی تیر سوی دواړو کانالونو د سیلرو په پاکونه کې لازمه همکاري وکړي، تر څو د فراه ښاریان د بارانونو او سیلابونو له احتمالي خطرونو څخه خوندی پاته سی.
هغه زیاته کړه چې دا زموږ مسؤولیت دی چې د خلکو د خطرونو څخه وقایه وکړو او د اوبو د خطرونو څخه عام اولس وژغورو، په پاي کی ترابی صاحب د فراه ولایت له پېښو سره د مبارزې آمادګۍ محترم رئیس الحاج مولوی محمد اسرائیل سیار ته دنده وسپارل چی د مسلکی انجنرانو په توسط ژر تر ژره د دواړو کانالونو د پاکولو بر آورد وکړئ ترڅو تر بر آورد ورسته یې په منظم ډول د پاکالو کار پیل کړو.
نېټه: ۱۴۴۶/۱۲/۱۸ هـ ق
له پېښو سره د مبارزې آمادګۍ ملي اداره
