له پیښو سره د مبارزې آمادګۍ ملي ادارې سرپرست د علمي څیړنو پراختیایي مؤسیسې د رئیس سره وکتل
نن ورځ سه شنبه، له پیښو سره د مبارزې آمادګۍ ملي ادارې سرپرست الحاج ملا نورالدین ترابي د علمي څیړنو او پراختیایی مؤسیسې د رئیس محمد حیدر شینواري او د پروګرام د مسؤل شفیق الله متین سره په خپل کاري دفتر کي وکتل.
ترابي صاحب د یادې مؤسیسې راغلي پلاوي ته ښه راغلاست ووېل او د راتلونکو پروژو په اړه یې معلومات وغوښتل او دژمني توکو پر ژر رسیدنه یی زیات ټینګار وکړ او ویې ویل چې تر بل هر وخت کورنۍ په ژمي کي هر ډول مرستو ته اړتیا لري او باید پر وخت مرستي ور ته ورسیږي.
او زیاته یې کړل چي د هر موسم مرستي باید په هغه وخت او موسم کي او د خلګو اړتیا ته په کتو سره مرستي ورکړل سي.
د تعلیمي څیړنو او پراختیایی مؤسیسې رئیس محمد حیدر د یادي ادارې د سرپرست د کارونو څخه زیاتي خوښي وښودل او وویل چي موږ به تل هڅه کوو چي زیانمنو کورنیو ته پر وخت رسیدنه وکړو او مرستي ورسره وکړو.
او د راتلونکو پروژو په اړه یی معلومات وړاندي کړه.
۱۴۴۶/۷/۶ هـ ق
له پیښو سره د مبارزې د آمادګۍ ملي اداره
