د کونړ ولایت په څوکۍ ولسوالۍ کې د زلزلهځپلو کورنیو لپاره خېمې ودرول شوې
له پېښو سره د مبارزې آمادګۍ ملي ادارې، د همکارو بنسټونو په ملاتړ، د وروستۍ زلزله ځپلو د ملاتړ په موخه په څوکۍ ولسوالۍ کې خیمې ودرولې.
دغه خیمې د دره دیوهګل په سیمه او د بادیزو په کلي کې ودرول شوې ترڅو زیانمنې شوې کورنۍ له راتلونکو احتمالي پېښو څخه لنډمهاله سرپناه او نسبي امنیت ولري.
دغه اقدام د زیانمنو کورنیو د بېړنیو مرستو د پروګرام یوه برخه ده او د زیانونو د کچې معلومولو هر اړخېزه څېړنې او د نورو اړینو مرستو د وېش بهیر دوام لري.
د یادونې وړ ده، چې د ملي او نړیوالو بنسټونو سره به د نورو مرستو لکه، خوراکي توکي، روغتیایي خدمات او نورو اساسي اړتیاوو وړاندې کولو لپاره همغږۍ دوام وکړي.
نېټه: ۱۴۴۷/۰۳/۱۰ هـ ق
له پېښو سره د مبارزې آمادګۍ ملي اداره
