د کونړ ولایت له پېښو سره د مبارزې آمادګۍ ریاست ۵۵۹ زیانمنو او داخلي بېځایه شویو کورنیو ته غیرخوراکي مرستې ووېشلې
د کونړ ولایت له پېښو سره د مبارزې آمادګۍ ریاست، د OCHR او OHW مؤسسو په مالي ملاتړ، په ناړی، غازي آباد، ډانګام، اسمار، شلتن، شيګل، منوره، سرکاڼو، خاص کونړ، نورګل، څوکۍ، نرنګ، اسعداباد، وټه پور، دره پيج او چپه دره ولسوالیو کې د وروستیو ورښتونو او سیلابونو له امله زیانمنو او په سرکاڼو ولسوالۍ کې د وروستیو جګړو له امله۵۵۹ بېځایه شویو کورنیو ته، له سروې وروسته غیرخوراکي مرستې ووېشلې.
په دې لړۍ کې، د اړوندو مسوولینو په شتون کې، هرې کورنۍ ته د حفظالصحې یوه بسته ووېشل شوه.
د مرستو ترلاسه کوونکو کورنیو د کونړ ولایت له پېښو سره د مبارزې آمادګۍ ریاست او د OCHR او OHW مؤسسو څخه د مننې ترڅنګ، د دغو مرستو د وېش په پار مننه او قدرداني څرګنده کړه.
نېټه: ۱۴۴۸/۱/۷ هـ ق
له پېښو سره د مبارزې آمادګۍ اداره
