د کونړ ولایت له پېښو سره د مبارزې آمادګۍ ریاست ۳۶ زیانمنو کورنیو ته خوراکي مرستې ووېشلې

د کونړ ولایت له پېښو سره د مبارزې آمادګۍ ریاست د WFP موسسې په مالي ملاتړ او د RRDPO موسسې په تخنیکي همکارۍ، د یاد ولایت بېلابېلو ولسوالیو او مرکز اړوند ۳۶ کورنیو ته چې سروې یې مخکې ترسره شوې وه او مستحقې پېژندل شوې وې، یادو کورنیو ته خوراکي مرستې ووېشلې.
په دې لړۍ کې د سیمه ییزو مسؤلینو په شتون کې هرې کورنۍ ته ۱۰۰ کیلو اوړه، ۹.۱ کیلو غوړي، ۱۲.۵ کیلو دال، ۱ کیلو مالګه انرژي لرونکي چاکلېټ او WSB مواد ووېشل شول. 
ورته مهال له مرستو برخه منو له یاد ریاست او موسسې څخه مننه او خوښي څرګنده کړه او د اسلامي نظام د بقا لپاره یې دعا وکړه.

نېټه:۱۴۴۶/۶/۲۶
له پېښو سره د مبارزې آمادګۍ ملي اداره