د کندهار ولایت له پېښو سره د مبارزې آمادګۍ ریاست ٣٧ سېلاب ځپلو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او DRC موسسې ترمنځ د لاسلیک شوي هوکړه لیک له مخې، د کندهار ولایت له پېښو سره د مبارزې آمادګۍ ریاست د یادې موسسې په مالي ملاتړ، ددې ولایت په نېش ولسوالۍ کې، له سروې وروسته ٣٧ د سېلاب له امله زیانمنو شوو کورنیو ته نغدي مرستې ووېشلې.
په دې لړۍ کې، چې د يادو مرستو دویم پړاو وو، هرې کورنۍ ته له ١٣,٣٨٠ نه تر ٢٢,٣٢٠ افغانۍ ووېشل شوې، چې ټولټال ورته ٧٨٣,٤٢٠ ( ٧٨٣ زره او ٤٢٠ ) افغانۍ ځانګړې شوې وې.
د یادونې ده، چې دې کورنیو ته یادې مرستې د کورونو د ترمیم لپاره ورکړل شوې.
نېټه: ١٤٤٦/٧/٢١
له پېښو سره د مبارزې آمادګۍ ملي اداره
