د کندهار ولایت له پېښو سره د مبارزې آمادګۍ ریاست د وروستیو پېښو له امله ۴۷ زیانمنو کورنیو ته خوراکي او غیرخوراکي مرستې ووېشلې

د کندهار ولایت له پېښو سره د مبارزې آمادګۍ ریاست د IOM, WFP, Save the children او د UNFPA سازمانونو سره په همکارۍ, د یاد ولایت په نیش او شاولیکوټ ولسوالیو او مرکز کې د وروستیو طبیعي پېښو له امله ۴۷ زیانمنو کورنیو ته له سروې وروسته خوراکي او غیرخوراکي مرستې ووېشلې.
په دې لړۍکې د مسؤلینو په شتون کې هرې کورنۍته د IOM سازمان لخوا د پخلنځي توکي, درې تختې کمپلې، درې عدده سولري څراغونه، یو پلاستیکي سطل، یوې کورنۍ ته خیمه او د کار وسایل او د WFP سازمان لخوا هرې کورنۍ ته ۲۰۰ کیلو اوړه, ۲۰ لیټره غوړي, ۲۵ کیلو دال, ۲ کیلو مالګه, ۶۰ پاکټه د ماشومانو او مېندو لپاره مغذي مواد او د UNFPA او SAVE THE CHILDREN سازمانونو لخوا هرې کورنۍ ته یو حفظ الصحه کېټ ووېشل شول.

نېټه: ۱۴۴۶/۰۹/۰۹
له پېښو سره د مبارزې آمادګۍ ملي اداره