د کابل ولایت په کارت سخي سیمه کې ٣٠٠ کورنۍ د ډبرو له احتمالي زیانونو څخه وژغورل شوې
له پېښو سره د مبارزې آمادګۍ ملي ادارې د لوی رییس، محترم الحاح ملا نورالدین ترابي د لارښوونې له مخې، د کابل ولایت له پېښو سره د مبارزې آمادګۍ ریاست د یاد ولایت د درېیمې ناحیې اړوند د کارته سخي سیمې په سخي زیارت شاته کلي کې ١٨ متره مکعب ډبرې، چې د یادې سیمې خلک یې له جدي ګواښ سره مخ کړي وو په خوندي توګه له منځه یوړلې.
د یادو ډبرو په له منځه تللو سره د دې کلي ٣٠٠ کورنۍ، ځانونه او مالونه د ډبرو له احتمالي خطرنو څخه خوندي شول.
د یادونې وړ ده، چې له پېښو سره د مبارزې آمادګۍ ملي اداره تل په دې هڅه کې ده، چې د هېواد په بېلابېلو تر خطر لاندې برخو کې ورته وقایوي پروژې پلې کړي، تر څو د اړوندو سیمو اوسېدونکي له احتمالي زیانونو څخه خوندي شي.
نېټه: ۱۴۴۷/٧/٣ هـ ق
له پېښو سره د مبارزې آمادګۍ ملي اداره
