د کابل ولایت له مرکزي سیلو څخه ٢,٠٠٠ بورۍ غنم د پنجشیر ولایت ته ولېږدول شول
د عالیقدر امیرالمؤمنین حفظه الله د لارښونې له مخې، د هېواد ټولو ولایتونو ته د مرکزی سیلو او د ولایتونو له کرنې ریاستونو څخه د غنمو د لېږد بهیر پیل شوی، په همدې چوکاټ کې، د (٢,۰۰۰ بوریو) په اندازه ١٠٠ ټنه غنم، د کابل له مرکزي سیلو څخه د پنجشیر ولایت له پېښو سره د مبارزې آمادګۍ ریاست ته د طبیعي پېښو له امله احتمالي زیانمنو شویو ته د رسېدنې په موخه ولېږدول شول.
د يادونې وړ ده، چې یاده اندازه غنم د دې رياست په ګدام کې ذخیره شول او د اړتيا په وخت کې به پر مستحقو او زيانمنو شويو کورنيو باندې ووېشل شي.
نېټه: ۱۴۴۶/۱۱/١٥ ه. ق
له پېښو سره د مبارزې آمادګۍ ملي اداره
