د پکتیا ولایت له پېښو سره د مبارزې آمادګۍ ریاست ۸۷ کورنیو ته خوراکي او غیر خوراکي مرستې ووېشلې
د پکتیا ولایت له پېښو سره د مبارزې آمادګۍ ریاست د وروستیو بارانونو او سېلابونو له امله ۸۷ زیانمنو شویو کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې، ۲۴ کورنیو ته ۱۰۰ کیلو غنم، ۲۵ کیلو وریجې، ۳ تختې کمپلې او ۱۰ کلچې صابون او ۶۳ نورو کورنیو ته ۵۰ کیلو غنم، ۲۵ کیلو وریجې، ۳ تختې کمپلې او ۱۰ کلچې صابون ووېشل شو او همدارنګه ۲ کورنیو ته، چې کورونه یې په بشپړ ډول سره ویجاړ شوي وو ۲ بابه خېمې هم ووېشل شوې.
د مرستو د وېشلو په لړۍ کې، د پکتیا ولایت له پېښو سره د مبارزې آمادګۍ رئیس، مولوي نثار احمد نجات، زیانمنو شویو کورنیو ته ډاډ ورکړ، چې دا ادارې له تاسو سره خوا کې ولاړه ده او په راتلونکي کې به له نورو زیانمنو شویو او اړمنو څخه ملاتړ وکړي.
په عین حال کې، زیانمنو شویو کورنیو د مرستو د ورکولو په پار خوښي څرګنده کړه او ویې ویل چې په ښه وخت کې سروې او ورته مرستې ترسره شوې.
نېټه: ۱۴۴۷/۳/۲۹ هـ ق
له پېښو سره د مبارزې آمادګۍ ملي اداره
