د پکتیا ولایت له پېښو سره د مبارزې آمادګۍ ریاست ٥٧٢ اړمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د لاسلیک شوي هوکړه لیک له مخې، د پکتیا ولایت له پېښو سره د مبارزې آمادګۍ ریاست، د یاد ولایت د مرکز ګردیز اړوند ٥٧٢ اړمنو کورنیو ته له سروې وروسته د نغدي پیسو مرستې ووېشلې.
په دې لړۍ کې، هرې کورنۍ ته د مسؤلینو په شتون کې، د شپږم پړاو ٣٠٠٠ افغانۍ ووېشل شوې، چې ټولټال د یاد شمېر کورنیو لپاره ١,٧١٦,٠٠٠ ( ١ میلیون او ٧١٦ زره) افغانۍ ځانګړې شوې وې.
د یادونې وړ ده، چې د مرستو ترلاسه کوونکو کورنیو د مرستو په ترلاسه کولو خوښي څرکنده کړې او له مسؤلینو څخه یې مننه کړې.
نېټه: ١٤٤٦/٩/٢٥
له پېښو سره د مبارزې آمادګۍ ملي اداره
