د پنجشیر ولایت له پېښو سره د مبارزې آمادګۍ ریاست ۲۲ زیانمنو کورنیو ته د خوراکي او غیر خوراکي توکو مرستې ووېشلې

د پنجشیر ولایت له پېښو سره د مبارزې آمادګۍ ریاست د یونیسف سازمان په ملاتړ، ۲۲ هغو کورنیو ته چې کورونه یې د بارانونو، واورې او اورلګېدنې له امله په کلي او قسمي توګه ویجاړ شوي وو، د خوراکي او غیر خوراکي توکو مرستې ووېشلې.
دا کورنۍ د پنجشیر ولایت د عنابه، رخه، دره، آبشار، حصه اول، پریان ولسوالیو او مرکز بازارک څخه دي، چې دا مرستې ورته له پېښو سره د مبارزې ولایتي کمیسیون تر څارنې لاندې ووېشل شوې.
په دې لړۍ کې د مسؤلینو په شتون کې، له پېښو سره د مبارزې آمادګۍ ریاست له لوري ٧ کورنیو ته چې کورونه یې په بشپړ ډول ویجاړ شوي وو، هرې کورنۍ ته ۳ بورۍ ۵۰ کیلویي غنم، ١ بورۍ ۲۵ کیلویي وريجې، یوه پایه چینایي چپرکټ او یوه بورۍ ۵۰ کیلویي اوړه، د یونیسف سازمان لخوا هرې کورنۍ ته یوه تخته کمپله، یوه بسته البسه، یو کارتن روغتیایي کېټ او ١٥ هغو کورنیو ته چې کورونه یې په قسمي توګه ویجاړ شوي وو، له پېښو سره د مبارزې آمادګۍ ریاست له لوري هرې یوې ته ٢ بورۍ ٥٠ کیلویي غنم، یوه بورۍ ٢٥ کیلویي وریجې، یوه پایه چینایي چپرکټ او د یونیسف سازمان لخوا هرې کورنۍ ته یوه تخته کمپله، یوه بسته البسه او یو روغتیایي کېټ ووېشل شو.

نېټه: ١٤٤٦/١٢/٢٥ هـ ق
له پېښو سره د مبارزې آمادګۍ ملي اداره