د ننګرهار ولایت له پېښو سره د مبارزې آمادګۍ ریاست ۱۴۷ اجبارې ایستل شویو کورنیو ته خوراکي او غیر خوراکي مرستې ووېشلې
په اجباري توګه را ایستل شویو ته د مرستو په برخه کې د عالیقدر امیرالمؤمنین حفظهاللهتعالی د حکم د تطبیق په موخه او له پېښو سره د مبارزې آمادګۍ ملي ادارې د لوی رئیس د لارښوونې له مخې، د ننګرهار ولایت له پېښو سره د مبارزې آمادګۍ ریاست له ګاونډیو هېوادونو څخه په اجباري توکه رایستل شویو ۱۴۷ کورنیو ته خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې هرې کورنۍ ته، یوه د خوراکي توکو بسته چې پکې ۶.۵ لیټره غوړیو، یو کیلو مالګې، ۱۵ کیلو سپینې وریجې، دوه بستې ۴۰۰ ګرامه پاستا، یو کیلو سور دال، ۴۰۰ ګرامه چای، دوې بستې ۴۰۰ ګرامه فول مدامس، درې بستې ۱۷۰ ګرامه د ماهي کنسرو، دوې بستې ۴۰۰ ګرامه نخود، دوې بستې ۴۰۰ ګرامه سره لوبیا، ۴۰۰ ګرامه روب، ۶ کیلو خرما، ۷ کیلو مکروني او ۵۰ کیلو اوړو شتون درلود او دوه بستې ژمنی جامې ووېشل شوې.
د مرستو ترلاسه کوونکو کورنیو د مرستو د ترلاسه کولو له امله خوښي څرګنده کړه او د ننګرهار ولایت له پېښو سره د مبارزې آمادګۍ ریاست څخه یې قدردانی وکړ او د ورته مرستو د دوام غوښتنه یې وکړه.
نېټه: ۱۴۴۷/۸/۱۴ هـ ق
له پېښو سره د مبارزې آمادګۍ ملي اداره
