د ننګرهار ولایت له پېښو سره د مبارزې آمادګۍ ریاست ۱۱۵ زلزله ځپلو کورنیو ته صحي کیټونه ووېشل

له پېښو سره د مبارزې آمادګۍ ملي ادارې او د ډاکار خیریه موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست، د یاد ولایت د دره نور ولسوالۍ په بېلابېلو کلیو کې ۱۱۵ زلزله ځپلو کورنیو ته له سروې وروسته معیاري او مصرفي صحي کیټونه ووېشل. 
په دې لړۍ کې هرې کورنۍ ته د مسوولینو په شتون کې، د معیاري کیټ په برخه کې، ١٧ کلچې د لاس وینځلو صابون، ٧ کلچې د جامو وینځلو صابون، ١ عدد ٢٠ لیټره بشکې، ٢ عدده ١٠ لیټره بشکې، ١ عدد سطل، ١ عدد تشت، ١ دسته جارو، ١ عدد لاسي څراغ، ټیکه، کوټیکس، ٢ عدده د غاښونو کریم، ٧ عدده د غاښونو برسونه، ١ عدد لوټه، ١ عدد ناخونګیر او همدارنګه د مصرفي کیټ په برخه کې، ٣٣ کلچې دلاس وینځلو صابون، ١٤ کلچې د جامو وینځلو صابون، ٢ عدده شامپو، ٢ عدده د غاښونو کریم، ٧ عدده د غاښونو برسونه او یو کوټیکس ووېشل شو.
په پای کې، د مرستو ترلاسه کوونکو کورنیو د مرستو  ترلاسه کولو په پار خوښي څرګنده کړه او له یاد ریاست او موسسې څخه یې د پر وخت رسېدنې له امله مننه وکړه.

نېټه: ۱۴۴۷/۳/۱٨ هـ ق
له پېښو سره د مبارزې آمادګۍ ملي اداره