د میدان وردګ ولایت له پېښو سره د مبارزې آمادګۍ ریاست ۵۰ زیانمنو کورنیو ته خوراکي او غیرخوراکي مرستې ووېشلې
د میدان وردګ ولایت له پېښو سره د مبارزې آمادګۍ ریاست، هغو ۵۰ کورنیو ته چې د وروستیو بارانونو او سېلابونو له امله زیانمنې شوې وې، له سروې وروسته خوراکي او غیرخوراکي مرستې ووېشلې.
په دې بهیر کې د مسؤلینو په شتون کې هرې کورنۍ ته ۵۰ کیلو غنم، د یونیسف دفتر اړوند د هایجن کېټ یوه روغتیایي بسته، یو صندوق، یو څراغ، دوه جوړه بېټرۍ او له پېښو سره د مبارزې آمادګۍ ریاست د بروشرونو یوه ټولګه ووېشل شوه.
نېټه:۱۴۴۷/۱۱/۰۱ هـ ق
له پېښو سره د مبارزې آمادګۍ ملي اداره
