د لغمان ولایت له پېښو سره د مبارزې آمادګۍ ریاست د سېلاب له امله ویجاړ شوي پل د بیا رغونې کار پیل کړ
له پېښو سره د مبارزې آمادګۍ ملي ادارې سرپرست د الحاج ملا نورالدین ترابي په لارښوونه د لغمان ولایت له پېښو سره د مبارزې د آمادګۍ ریاست، د الینګار ولسوالۍ د منګو کلي د سېلاب له امله ویجاړ شوي پل د بیا رغونې لپاره ۱۰۰,۰۰۰ افغانۍ ځانګړې کړې دي.
یاده مرسته د دې ریاست سرپرست انجنیر عبیدالله الکوزي له لوري د پل د بیا رغونې کمېټې ته وسپارل شوه.
یاد پل چې د موسمي سېلابونو له امله په بشپړ ډول ویجاړ شوی و، د خلکو په ملاتړ د بیا رغونې چارې یې پیل شوې دي، خو د امکاناتو د نشتوالي له امله یې کارونه په ټکنۍ توګه پر مخ روان دي.
د سیمې خلکو له دې مرستې خوښي څرګنده کړې او له دولتي ادارو او داخلي او نړیوالو سازمانونو څخه یې د پل بیارغونې او استنادي والونو د جوړولو غوښتنه وکړه.'
نیټه: ۱۴۴۶/۵/۲۸
له پېښو سره د مبارزې آمادګۍ ملي اداره
