د لغمان ولایت له پېښو سره د مبارزې آمادګۍ ریاست د حرفوي زدهکړو ۸۰ تنه زدهکوونکو ته نغدي مرستې وېشلې
له پېښو سره د مبارزې آمادګۍ ملي ادارې او د AYSO مؤسسې ترمنځ د لاسلیک شوي هوکړه لیک له مخې، د لغمان ولايت له پېښو سره د مبارزې آمادګۍ رياست د یادې مؤسسې په ملاتړ، د دې ولایت اړوند د حرفوي زدهکړو ۸۰ تنه زده کوونکو ته د نغدي پیسو مرستې ووېشلې.
یادو زده کوونکو ته په څلورو بېلابېلو مسلکي برخو لکه ټلیفون جوړونې، د سولر سیستم د ترمیم او نصبول، سلمه دوزۍ او کلچو پخولو برخو کې زده کړې ورکړل شوې دي، چې د یادو برخو د ملاتړ په موخه ورته نغدي پیسې ورکړل شوې.
په دې لړۍ کې هر زدهکوونکي ته د مسؤلینو په شتون کې ۷,۱۴۰ افغانۍ نغدې پيسې ووېشل شوې، چې ټولټال یاد شمېر کسانو ته پنځه سوه او یو اویا زره او دوه سوه (۵۷۱,۲۰۰) افغانۍ ځانګړې شوې وې.
د لغمان ولايت له پېښو سره د مبارزې آمادګۍ رياست د ورته پروګرامونو د پلي کېدو هرکلی وکړ او ټينګار يې وکړ چې دا ډول حرفوي زدهکړې د بېکارۍ د کچې د کمېدو او د ځوانانو د اقتصادي پياوړتيا په برخه کې اغېزمن رول لري.
نېټه: ۱۴۴۷/۶/۲۷ هـ ق
له پېښو سره د مبارزې آمادګۍ ملي اداره
