د لغمان ولایت له پېښو سره د مبارزې آمادګۍ ریاست د استنادي دېوال جوړولو له پروژې څارنه وکړه
د لغمان ولایت له پېښو سره د مبارزې آمادګۍ ریاست، د دولت شاه ولسوالۍ په خاص دولت شاه کلي کې د استنادي دېوال جوړولو د پروژې له کارونو څخه د یاد ریاست سرپرست انجینر عبیدالله الکوزي په مشرۍ څارنه وکړه. دغه دېوال، چې له پېښو سره د مبارزې آمادګۍ ملي ادارې په مالي لګښت جوړېږي، ۲۴۲ متره اوږدوالی لري. د دې دیوال د ځمکې لاندې برخه دوه متره او د ځمکې پورتنۍ برخه دوه نیم متره ده، چې پلنوالی یې د ځمکې لاندې دوه نیم متره او په پورته برخه کې له دوو مترو تر ۶۰ سانتي پورې رسېږي.
د پروژې مالي لګښت شاوخوا ۳،۳۹۴،۴۶۰ افغانۍ دی، او د فواد ارمین ساختماني شرکت یې چارې ترسره کوي. همدارنګه د یاد ریاست مسؤلینو د پروژې د کار له پرمختګ څخه ډاډ څرګند کړ او ویې وېل چې په نږدې راتلونکې کې به دا پروژه بشپړه شي.
نېټه: ۱۴۴۶/۵/۱۸
له پېښو سره د مبارزې آمادګۍ ملي اداره
