د لغمان ولايت په مرکز مهترلام بابا ښار کې يوه د توپ مرمۍ کشف او له منځه یوړل شوه
د لغمان ولایت له پېښو سره د مبارزې آمادګۍ ریاست او د هیلوترسټ ماین پاکۍ نړیوالې مؤسسې د تخنیکي ټیم د همغږۍ له مخې، د دې ولایت د مهترلام بابا ښار په پنځ پای کلي کې له تېرو جګړو څخه پاتې شوې یوه د توپ ۱۲۲ ملي مترۍ مرمۍ کشف او په خوندي توګه خنثی کړل شوه.
یاد چاودېدونکي توکي د سیمو د خلکو ځان او مال له احتمالي خطر سره مخ کړی وو، چې په له منځه تللو سره یې دا وګړي له یادو خطرونو څخه خوندي شول.
د یادونې وړ ده، چې د لغمان ولایت له پېښو سره د مبارزې آمادګۍ ریاست یادې مؤسسې د دې ډول کړنو ستاینه وکړه او د سیمه ییزو وګړو د خوندیتوب په برخه کې یې د لا زیاتو همکاریو ژمنه وکړه.
نېټه: ۱۴۴۷/۵/۲۱ هـ ق
له پېښو سره د مبارزې آمادګۍ ملي اداره
