د غزني ولایت له پېښو سره د مبارزې آمادګۍ ریاست ۱۴۵ زیانمنو کورنیو ته نغدي او غیر نغدي مرستې ووېشلې
له پېښو سره د مبارزې آمادګۍ ملي ادارې او DRC موسسې ترمنځ د لاسلیک شوي هوکړه لیک له مخې، د غزني ولایت له پېښو سره د مبارزې آمادګۍ ریاست د بشردوستۍ مرستو دفتر په مالي ملاتړ، د یاد ولایت د مرکز اړوند سبمو کې د وروستیو بارانو نو او سېلابونو له امله ١٤٥ زیانمنو کورنیو ته نغدي او غیر نغدي مرستې ووېشلې.
په دې لړۍ کې، هرې کورنۍ ته یو روغتیایي کېټ او ٤٤ کورنیو ته سربېره پر روغتیایي کېټ د هغوی د زیانمنېدو د ډول په پام کې نیولو سره د ١,٢٠٠ نه تر ٢٥,٠٠٠ افغانۍ ووېشلې چې ټولټال دوی ته ٦٦٥,٦٠٠ افغانۍ ځانګړې شوې وې.
د مرستو ترلاسه کوونکو کورنیو د یادو مرستو د ترلاسه کولو له امله د یاد ریاست او موسسې څخه د قدردانۍ ترڅنګ ددې ډول نورو مرستو د دوام غوښتنه هم وکړه.
نېټه: ١٤٤٦/٧/٢١
له پېښو سره د مبارزې آمادګۍ ملي اداره
