د زابل ولایت له پېښو سره د مبارزې آمادګۍ ریاست په مرکز قلات کې د سېلابي لارو د پاکولو کار پیل کړ
له پېښو سره د مبارزې آمادګۍ ادارې د لوی رئیس، محترم الحاج ملا نورالدین ترابي په لارښوونه، د زابل ولایت له پېښو سره د مبارزې آمادګۍ ریاست، د دې ولایت د مرکز قلات په صاحب خان کلي کې د سېلابي لارو د پاکولو کار پیل کړ.
په دې پروژه کې به د ۳۲۰ متره په اوږدوالي او ۵ متره پلنوالي سېلابي لارې له خټو او شګو څخه پاکې شي، چې موخه یې د سېلابونو له خطرونو څخه د هستوګنیزو کورونو، کرنیزو ځمکو او د عامه ګټو تاسیساتو لپاره د خوندیتوب رامنځته کول دي.
د دې پروژې په عملي کېدو سره به د یادې سیمې ۶۰ کورونه، ۱ جومات او همدارنګه سلګونه جریبه کرنیزې ځمکې او باغونه د سېلابونو له ګواښ څخه خوندي شي.
د سیمې اوسېدونکو د هغوی د ځان او مال د خوندیتوب لپاره د سېلابي لارو پاکول یو مهم ګام وباله او له پېښو سره د مبارزې آمادګۍ ریاست څخه مننه او قدرداني وکړه.
نېټه: ۱۴۴۷/۱۲/۰۴ هـ ق
له پېښو سره د مبارزې آمادګۍ اداره
