د دایکندي ولایت له پېښو سره د مبارزې آمادګۍ ریاست ۵۶ زیانمنو کورنیو ته خوراکي، غیرخوراکي او نغدي مرستې ووېشلې
د دایکندي ولایت له پېښو سره د مبارزې آمادګۍ ریاست د WFP, IOM او UNICEF سازمانونو په مالي ملاتړ، ۵۶ کورنیو ته چې د بارانونو او سېلابونو له امله زیانمنې شوي وې، له سروې وروسته خوراکي، غیرخوراکي او نغدي مرستې ووېشلې.
په دې لړۍ کې د مسؤلینو په شتون کې د IOM سازمان لخوا هرې کورنۍ ته ۹۵۰۰ افغانۍ، د WFP سازمان لخوا هرې کورنۍ ته ۲۰۰ کیلو اوړه، ۱۸.۲ کیلو غوړي، ۲۵ کیلو دال، ۲ کیلو مالګه، ۲.۱ کیلو بسکوټ، د ماشومانو لپاره ۳ کیلو مغذي مواد او د مېندو لپاره ۶ کیلو مغذي مواد او د UNICEF سازمان لخوا هرې کورنۍ ته یوه ژمنۍ البسه، یوه روغتیایي بسته او یوه تخته کمپل ووېشل شول.
نېټه:۱۴۴۶/۹/۱۸
له پېښو سره د مبارزې آمادګۍ ملي اداره
