د ترکمنستان هیواد لخوا له ۹۳۰ ټنه څخه زیات خوراکي او غیر خوراکي توکي مرسته له پیښو سره د مبارزې امادګۍ ملي ادارې ته وسپارل سوه
د ترکمنستان هیواد لخوا تیره ورځ له ۹۳۰ ټنه څخه زیات خوراکي او غیر خوراکي موادو، نفت او سمنټو مرسته د تورغونډۍ بندر له لارې د هرات ولایت سیمهییزو مسؤلینو ته وسپارله.
دا مرسته دهرات ولایت له پیښو سره دمبارزې دآمادګۍ رئیس مولوي محمد موسی "اشعري" او د هغه ولایت استازي له ترکمنستاني مسؤلینو څخه ترلاسه کړه چې په دغه مرسته کې لاندې توکي شامل وه:
۱۹۸ ټنه غنم، ۱۵ ټنه بېالکولي مشروبات او مېوې اوبه، ۲۰۰۰ قوطۍ د ماشومانو خواړه، ۵۰۰۰ کیلو د خوږو او بسکوټ محصولات، ۱۹۵ ټنه کیمیاوي کود، ۱۷۴ ټنه ډیزلي تېل، ۱۶۸ ټنه پټرولي تېل او ۱۸۳ ټنه سمنټ.
نیټه: ۱۴۴۶/۳/۹ هــ ق
*له پیښو سره د مبارزې آمادګۍ ملي اداره*
