د بلخ ولایت په چهارکنت ولسوالۍ کې ۶۱ زلزله ځپلو کورنیو ته خوراکي او غیرخوراکي مرستې ووېشل شوې

د بلخ ولایت له پېښو سره د مبارزې آمادګۍ ریاست د IOM، SFL-WFP، UNFPA-BDN، UNICEF او د ماشومانو د ملاتړ سازمانونو او بنسټونو په ملاتړ، د یاد ولایت په چهارکنت ولسوالۍ کې د وورستۍ زلزلې له امله ۶۱ زیانمنو کورنیو ته خوراکي او غیرخوراکي مرستې ووېشلې.
په دې لړۍ کې د SFL-WFP له لوري هرې کورنۍ ته ۱۰۰ کیلو اوړه، ۱ کیلو مالګه، ۲ کیلو بسکېټ، ۱۰ لیټره غوړي، ۱۲.۵ کیلو دال نخود او شېدې خوره ماشومانو یا امیندواره مېرمنو لرونکو کورنیو ته ۳۰ پاکټه پلمپي او ۳ کیلو سوپر سريال؛ د IOM له لوري هرې کورنۍ ته یوه بسته سولري څراغونه، درې تختې کمپلې او د لومړۍ کتګورۍ ۱۰ کورنیو ته یو باب خیمه؛ د UNFPA-BDN موسسې لخوا هرې کورنۍ ته یوه تخته کمپله او یو تخته ترپال؛ د ماشومانو د ملاتړ د موسسې له لوري هرې کورنۍ ته د دیګ بخار، سطل، چای جوش او نورو اړینو لوښو لرونکی یوه بسته د پخلنځي کېت او یوه روغتیایي بسته او د UNICEF له لوري هرې کورنۍ ته د ژمنۍ جامو یوه بسته ووېشل شوه. 

نېټه: ۱۴۴۷/۵/۲۲ هـ ق
له پېښو سره د مبارزې آمادګۍ ملي اداره