د بغلان ولایت په مرکز کې ناچاوده توکي کشف او خنثی شول
له پیښو سره د مبارزی آمادګۍ ملی اداری د ماین پاکۍ د انسجام او همغږی ریاست، د (0708606060) شمیری له لارې د بیړنۍ اړیکی پر بنسټ د MCPA موسسی چټک ځواب ویونکی ټیم (MCPA-QRT-01) د ماین پاکۍ د عملیاتو لپاره د یاد ولایت د مرکز پلخمري اړوند نیازالله نصرت مینه کلي ته واستوه.
یاد ټیم د ماین پاکۍ د عملیاتو په ترڅ کې څلور فیره 40mm مرمۍ او یو فیر د توپ مرمۍ کشف او په خوندي ډول له منځه یووړې.
د یاد ریاست مسؤلینو د عملیاتو له ترسره کولو وروسته د سیمې اوسېدونکو ته د ماینونو او ناچاوده توکو په اړه پوهاوی هم ورکړ او له هغوی یې وغوښتل چې د هر ډول شکمنو توکو د لیدو په صورت کې له اړونده مسؤلینو سره د اړینو اقداماتو ترسره کولو لپاره اړیکه ونیسي.
نېټه:۱۴۴۷/۹/۲ هـ ق
له پېښو سره د مبارزې آمادګۍ ملي اداره
