د بدخشان ولایت په تشکان ولسوالۍ کې د څښلو وړ اوبو دوو پروژو د جوړولو چارې پیل شوې 

له پېښو سره د مبارزې آمادګۍ ملي ادارې او د اکټیډ مؤسسې ترمنځ د لاسلیک شوي هوکړه لیک له مخې، د بدخشان ولایت له پېښو سره د مبارزې آمادګۍ ریاست د یادې ادارې د لوی رئیس؛ محترم الحاج ملانورالدین ترابي د لارښوونې له مخې، د دې ولایت د تشکان ولسوالۍ په دشت آغه او ملګاني کلیو کې د څښلو وړ اوبو دوو پروژو د جوړولو چارې وروسته له سروې پیل کړې. 
۱۷یادې پروژې، په ملګاني کلي کې د ۶،۲۳۰ متره پایپ په واسطه د یو میلیون او اوه سوه او دري څلویښت زره  (۱،۷۴۳،۰۰۰) افغانیو په لګښت او په دشت آغه کلي کې د ۲،۳۶۹ متره پایپ، ۳۷،۰۰ لیټره ظرفیت لرونکو دوو زخیرو او شیر دهنو په درلودلو سره د یو میلیون او اته سوه او اته شپېته زره (۱،۸۶۸،۰۰۰) افغانیو په لګښت سره پیل شوې. 
د یادونې وړ ده، چې د سیمې اوسېدونکي د څښلو وړ اوبو ته د نه لاس رسي سره مخ وو، چې د دې پروژو په بشپړېدو سره به یاده ستونزه ختمه او اوسېدونکي به د څښلو وړ اوبو ته لاس رسی پیدا کړي. 

نېټه: ۱۴۴۷/۷/۲۳ هـ ق 
له پېښو سره د مبارزې آمادګۍ ملي اداره