د بدخشان ولایت له پېښو سره د مبارزې آمادګۍ ریاست ٧٢ زیانمنو شویو کورنیو ته خوراکي او غیر خوراکي مرستې ووېشلې
له پېښو سره د مبارزې آمادګۍ ملي ادارې او د هستوګنې لپاره د آغا خان بنسټ ترمنځ د لاسلیک شوي هوکړه لیک له مخې او د IOM او یونسیف سازمانونو په ملاتړ، د بدخشان ولایت له پېښو سره د مبارزې آمادګۍ ریاست، د دې ولایت د وردوج ولسوالۍ په باشند کلي کې د بارانونو او سېلابونو له امله ٧٢ زیانمنو شویو کورنیو ته له سروې وروسته د خوراکي او غیر خوراکي توکو مرستې ووېشلې.
په دې لړۍ کې د مسؤلینو په شتون کې، د IOM سازمان له لوري هرې کورنۍ ته ١ د پخلنځي کېټ، ١ د ژمنیو وسایلو کېټ، ٣ تختې کمپلې، ٤ عدده څراغونه، ٤ تختې ترپالونه او ٦٨ کورنیو هرې یوې ته ١ باب خېمه او د هستوګنې لپاره د آغا خان بنسټ لخوا هرې کورنۍ ته ٢٠٠ کیلو اوړه، ١٨ لېټره غوړي، ٢٥ کیلو دال نخود، ٢ کیلو بیسکویټ، ٢ کیلو مالګه او همدارنګه د یونسیف سازمان له لوري هرې کورنۍ ته یو د حفظ الصحې کېټ ووېشل شو.
نېټه: ۱۴۴۶/۱۲/۲٢هـ ق
له پېښو سره د مبارزې آمادګۍ ملي اداره
