د بادغیس ولایت له پېښو سره د مبارزې آمادګۍ ریاست ۸۷۵ وچکالۍ ځپلو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د رازي پراختیایي او ټولنیزې موسسې (RSDO) ترمنځ د لاسلیک شوي هوکړه لیک له مخې، د بادغیس ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت په قادس او مقر ولسوالیو او مرکز قلعه نو کې د وچکالۍ له امله ۸۷۵ زیانمنو کورنیو ته له سروې وروسته نغدې مرستې ووېشلې.
په دې لړۍ کې د مسؤلینو په شتون کې، له یادې جملې ۳۰۰ کورنیو هرې یوې ته ۱۳,۲۵۴ افغانۍ، ۳۷۵ کورنیو هرې یوې ته د دویم پړاو ۵,۳۰۳ افغانۍ او ۲۰۰ نورو کورنیو هرې یوې ته ۵,۳۰۴ افغانۍ نغدې پیسې ووېشل شوې، چې ټولټال اووه میلیونه او پنځه ویشت زره او شپږ سوه پنځه ویشت (۷,۰۲۵,۶۲۵) نغدې پیسې د یاد شمېر کورنیو لپاره ځانګړې شوې وې.
نېټه: ۱۴۴۷/۵/۲۹ هـ ق
له پېښو سره د مبارزې آمادګۍ ملي اداره
