د بادغیس ولایت له پېښو سره د مبارزې آمادګۍ ریاست ۱۵۶ سېبلاب ځپلو کورنیو ته له سروې وروسته خوراکي مرستې ووېشلې.
د بادغیس ولایت له پېښو سره د مبارزې آمادګۍ ریاست د یاد ولایت په مرکز او دره بوم، مقر او آب کمري ولسوالیو کې د وروستیو سېلابونو له امله ۱۵۶ زیانمنو شویو کورنیو ته له سروې وروسته خوراکي مرستې ووېشلې.
په دې لړۍ کې د مسؤلینو په شتون کې، هرې کورنۍ ته دوه بورۍ ۵۰ کیلویي غنم او ۹۷ کورنیو هرې یوې ته یادو مرستو سربېره یو کیلو تورې چای ووېشل شو.
د یادونې وړ ده، چې د مرستو ترلاسه کوونکو کورنیو د مرستو ترلاسه کولو له امله خوښي څرګنده کړه او د یاد ریاست له مسؤلینو څخه یې مننه وکړه.
نېټه: ۱۴۴۷/۱۱/۱۵ هـ ق
له پېښو سره د مبارزې آمادګۍ اداره
