د اورلګېدو د مخنیوي لپاره د دايمي تخنیکي کمېټې نوبتي غونډه ترسره شوه
نن سهار د سې شنبې ورځ، د اور لګېدو د مخنیوي لپاره د دايمي تخنیکي کمېټې نوبتي غونډه له پېښو سره د مبارزې آمادګۍ ملي ادارې سرپرست د محترم الحاج ملا نورالدین ترابي په مشرۍ، د کورنیو چارو وزارت، ښار جوړونې او هستوګنې وزارت، صنعت او سوداګرۍ وزارت، د کابل ښاروالۍ، د تېلو او ګازو ادارې، د افغان ملي بیمې ادارې، د افغانستان بانک، او د کابل مرکزي اطفایې رئیس په ګډون ترسره شوه، دا غونډه په تجارتي، هستوګنیزو او پمپ سټېشنونو کې د اور لګېدو د مخنیوي پلان په هکله جوړه شوې وه.
غونډه د قرآن عظیم الشان د څو مبارکو آیتونو په تلاوت سره پیل شوه او په دې غونډه کې په لاندې ډول پرېکړې وشوې:
سر له سبا، له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي په مشرۍ به د کابل ښار ټول پمپ سټېشنونه او د سوداګرۍ مرکزونه د ټاکلې کمېټې له لوري ارزول او څارل کېږي، او هغه چا چې احتیاطي تدابیر یې په پام کې نه وي نیولي او په دې برخه کې یې سرغړونه کړې وي د ریاست الوزرا اقتصادی معاونیت ته به معرفی کیږی تر څو چی د سرغړونکو مرکزونه مهرلاک شي. دا ځکه چی په مرکز او ولایتونو کی د اړونده ادارو لخوا د پرلپسې توصیوو سره سره بیا هم اکثره وګړي اوامرو ته اتناع نکوي چی په پایله کی په هیواد کې پرلپسې د اورلګیدو پیښې رامنځته کیږي.
غونډه په دعا کولو سره پای ته ورسېده.
نیټه: ۱۴۴۶/۵/۳
له پیښو سره د مبارزې آمادګۍ ملي اداره
