د پنجشیر ولایت له پېښو سره د مبارزې آمادګۍ ریاست ۳۷ زیانمنو کورنیو ته خوراکي او غیر خوراکي مرستې ووېشلې
د پنجشیر ولایت له پېښو سره د مبارزې آمادګۍ ریاست د افغان سرې میاشتې ټولنې او UNICEF دفتر په ملاتړ، د دې ولایت په مرکز او عنابه، دره، رخه آبشار، حصه اول او شتل ولسوالیو کې د طبیعي پېښو له امله ۳۷ زیانمنو کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، له پېښو سره د مبارزې آمادګۍ ریاست له لوري ۲ بورۍ غنم، نیمه کیلو چای، ۵ کیلو بوره، یوه پایه چپرکټ د افغان سرې میاشتې ټولنې لخوا هرې کورنۍ ته ۵ تختې کمپلې، یوه د پخلنځي بسته، دوه د اوبو بشکې او د UNICEF له لوري هرې کورنۍ ته ۶ کلچې صابون، ۱۰۰ د کلورین ټابلیټ او یو عدد د روغتیا ساتنې بروشر او کتابچې ووېشل شوې.
د مرستو د وېشلو په لړ کې، د یاد ولایت له پېښو سره د مبارزې آمادګۍ ریاست مسؤلینو ټینګار وکړ، چې د طبیعي پېښو له امله زیانمنو شویو کورنیو ته به د مرستو رسولو لړۍ به دوام ولري.
نېټه: ۱۴۴۷/۱۱/۱۱ هـ ق
له پېښو سره د مبارزې آمادګۍ اداره
