د کابل ولایت له پېښو سره د مبارزې آمادګۍ ریاست ۱۱۱ زیانمنو کورنیو ته غیر خوراکي مرستې ووېشلې
له پېښو سره د مبارزې آمادګۍ ادارې او د انټرساس مؤسسې ترمنځ د لاسلیک شوي هوکړه لیک له مخې، د کابل ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت په سروبي ولسوالۍ کې ۱۱۱ زیانمنو کورنیو ته له سروې وروسته د غیر خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، یوه د پخلنځي بسته، یو کارتن روغتیایي بسته چې ۱۶ قلمه توکو پکې شتون درلود، ۳ متره فرش، دوه پنځه کیلویي د ګاز ډبې سره له څلور کیلو مایع ګاز په هره ډبه کې، یو عدد جارو، یو عدد برس، ۲ څراغونه او یوه تخته ترپال ووېشل شو.
په پای کې، د مرستو ترلاسه کوونکو کورنیو دوی د پر وخت رسېدنې او مرستو ترلاسه کولو له امله خوښي څرګنده کړه.
نېټه: ۱۴۴۷/۱۱/۱۰ هـ ق
له پېښو سره د مبارزې آمادګۍ اداره
