د ننګرهار ولایت له پېښو سره د مبارزې آمادګۍ ریاست د ۲۹ تنه شهیدانو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي په لارښوونه، د ننګرهار ولایت له پېښو سره د مبارزې آمادګۍ ریاست، د یاد ولایت په بېلابېلو ولسوالیو کې د وروستیو سختو بارانونو او سیلابونو له امله د ۲۹ تنه شهیدانو ورثه ته له سروې وروسته نغدې مرستې ووېشلې.
د نغدو مرستو د وېش په دې بهیر کې د مسولینو په شتون کې، د هر شهید ورثه ته شل زره (۲۰,۰۰۰) افغانۍ ووېشل شوې، چې د نغدو مرستو ټولیزه اندازه پنځه سوه او اتیا زره (۵۸۰,۰۰۰) افغانۍ کېږي.
نېټه:۱۴۴۷/۱۰/۲۹ هـ ق
له پېښو سره د مبارزې آمادګۍ ملي اداره
