د کنړ ولایت له پېښو سره د مبارزې آماد ګۍ ریاست د وروستۍ جګړې له امله ۶۰۰ بېځایه شوې کورنۍ خوندي ځای ته انتقال او ورته یې پاخه شوي خواړه ووېشل
د کنړ ولات د محترم مقام د لارښوونې پر بنسټ، د یاد ولایت له پېښو سره د مبارزې آمادګۍ ریاست په دې ولایت کې د ورستیو جګړو له امله ۶۰۰ داخلي بېځایه شوې کورنۍ، چې د سختو اورښتونو او سېلابونو له امله له جدي ستونزو سره مخ وې او د منورې ولسوالۍ د سیند په غاړه کې میشت وې خوندي ځای ته انتقال او پاخه شوي خواړه ووېشل.
یادې کورنۍ، د دې ولایت د مرکز اړوند جمنازیمونو، خوندي ځایونو او ودانیو ته ولیږدول شول او له پېښو سره د مبارزې آمادګۍ ریاست له لوري ورته د غرمې ډوډۍ پروخت تیا پاخه شوي خواړه ووېشل شول.
نېټه: ۱۴۴۷/۱۰/۲۲ هـ ق
له پېښو سره د مبارزې آمادګۍ ملي اداره
