د جوزجان ولایت له پېښو سره د مبارزې آمادګۍ ریاست ۹۰۰ مستحقو کورنیو ته خوراکي او نغدي مرستې ووېشلې
له پېښو سره د مبارزې آمادګۍ ملي ادارې او د (AWDERO) مؤسسې ترمنځ د لاسلیک شوي هوکړه لیک له مخې، د جوزجان ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د دې ولایت په مرکز کې ۹۰۰ مستحقو کورنیو ته له سروې وروسته نغدي او د خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۲۹۰۰ افغانۍ نغدي پیسې ووېشل شوې، چې ټولټال د یاد شمېر کورنیو لپاره دوه میلیونه او شپږ سوه او لس زره (۲،۶۱۰،۰۰۰) افغانۍ ځانګړې شوې وې.
د یادونې ده، چې د مرستو تر لاسه کوونکو کورنیو له یاد ریاست او مؤسسې څخه مننه وکړه او په راتلونکي کې یې د ورته مرستو د دوام غوښتنه وکړه.
نېټه: ۱۴۴۷/۹/۱۵ هـ ق
له پېښو سره د مبارزې آمادګۍ ملي اداره
