د فاریاب ولایت له پېښو سره د مبارزې آمادګۍ ریاست ۱۱,۵۸۶ کورنیو ته نغدې او خوراکي مرستې ووېشلې
له پېښو سره د مبارزې آمادګۍ ملي ادارې او د هنګري موسسې ترمنځ د لاسلیک شوي هوکړه لیک له مخې, د فاریاب ولایت له پېښو سره د مبارزې آمادګۍ ریاست د یادې موسسې په مالي ملاتړ, د دې ولایت په درې ولسوالیو کې ۱۱,۵۸۶ مستحقو کورنیو ته نغدې او خوراکي مرستې ووېشلې.
په دې بهیر کې د مسؤلینو په شتون کې هرې کورنۍ ته ۲,۹۰۰ افغانۍ ووېشل شوې, چې ټولټال پنځه میلیونه او شپږ سوه او دوه نوي زره او اووه سوه (۵,۶۹۲,۷۰۰) افغانۍ د یاد شمېر کورنیو لپاره ځانګړې شوې وې. همدارنګه له یادې جملې ۹,۶۲۳ کورنیو هرې یوې ته په دولت آباد او شیرین تګاب ولسوالیو کې ۵۰ کیلو اوړه, ۶.۲۵ کیلو نخود، ۴.۵۵ کیلو غوړي، نیمکیلو مالګه، ۱.۵ کیلو پلمپي او ۳ کیلو سوپر سریال ووېشل شول.
نېټه: ۱۴۴۷/۰۹/۰۷ هـ ق
له پېښو سره د مبارزې آمادګۍ ملي اداره
