د هلمند ولایت په سنګین ولسوالۍ کې د یو استنادي دیوال د جوړولو چارې ګټې اخیستنې ته وسپارل شوې
له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي د لارښوونې له مخې، د هلمند ولایت له پېښو سره د مبارزې آمادګۍ ریاست د دې ولایت په سنګین ولسوالۍ کې د یو استنادي دیوال د جوړولو چارې د نه میلیونه (۹،۰۰۰،۰۰۰ ) افغانیو په لګښت ګټې اخیستنې ته وسپارلې سنګین کي د استنادي دېوال انکشافي پروژه د نهه میلیونه افغانیو په لګښت بشپړې او ګټې اخیستنې ته وسپارلې
یاده پروژه، د دې ولایت له پېښو سره د مبارزې آمادګۍ ریاست د محترم رئیس، د دې ولسوالۍ د محترم ولسوال، سیمه ییزو اوسېدونکو او نورو اړوندو مسؤلینو په شتون کې د ۲۶۹ متره اوږدوالي له ۵ څخه تر ۶ متره لوړوالي، په لاندینۍ برخه کې د ۴ او پاسنۍ برخه کې د ۱ متر سور په درلودلو سره ګټې اخیستنې ته وسپارل شوه.
د یادونې وړ ده، چې د دې استنادي دیوال د جوړولو چارو کې د ۴۰ کسانو لپاره د کار کولو زمینه برابره شوې وه.
نېټه: ۱۴۴۷/۸/۲۹ هـ ق
له پېښو سره د مبارزې آمادګۍ ملي اداره
