د کنړ ولایت په دوو ولسوالیو کې د خوړونو د پاکولو چارې پای ته ورسېدې
د کنړ ولایت له پېښو سره د مبارزې آمادګۍ ریاست د یاد ولایت په ناړۍ او غازي آباد ولسوالیو کې د خوړونو د پاکولو چارې د خلکو د سر، مال، کرنیزو ځمکو او عامه تاسیساتو د خوندیتوب په موخه په بریالیتوب سره پای ته ورسولې.
د یادو خوړونو د پاکولو لړۍ، له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي د لارښوونې له مخې، پیل شوې وې، چې په غازې آباد ولسوالۍ کې د اسکواټر له ۷۷ ساعته کارکولو او په ناړۍ ولسوالۍ کې د یادې ماشینرۍ له ۲۴۶ ساعته کار کولو وروسته پای ته ورسېدې.
د یادې کړنې په ترسره کېدو سره، سیمه ییزو اوسېدونکو خوښي څرګنده کړه او د یادې ادارې او ریاست له مسؤلینو څخه یې د زړه له تله مننه وکړه.
د یادونې وړ ده، چې له پېښو سره د مبارزې آمادګۍ ملي اداره ژمنه ده، چې د هېواد په بېلابېلو سیمو کې به د ورته وقایوي پروژو لړۍ دوامداره وساتي.
نېټه: ۱۴۴۷/۸/۱۹ هـ ق
له پېښو سره د مبارزې آمادګۍ ملي اداره
