له پېښو سره د مبارزې آمادګۍ ملي ادارې او د اسلامي هوساینې نړیوالې مؤسسې (IRW) ترمنځ د دوه سوه او دوه اتیا زره او شپږ سوه او څلو نوي (۲۸۲,۶۹۴) ډالرو په ارزښت د ګډو همکاریو تفاهم نامه لاسلیک شوه
له پېښو سره د مبارزې آمادګۍ ملي ادارې لوی رئیس، محترم الحاج ملا نورالدین ترابي، د اسلامي هوساینې نړیوالې مؤسسې د پروګرامونو له مدیر محترم نعمت الله اکبري سره وکتل او د ګډو همکاریو تفاهمنامه یې ورسره لاسلیک کړه.
محترم ترابي صاحب، راغلي پلاوي ته د ښه راغلاست وویلو ترڅنګ وویل، چې خپله پلي کېدونکې پروژه دې ژر او په پوره شفافیت سره ترسره کړي، ترڅو ورڅخه مستحقې کورنۍ پر وخت او ښه ډول سره ګټه اخیستونکې شي.
په همدې حال کې، د یادې مؤسسې د پروګرامونو مدیر محترم نعمت الله اکبري د خپلې پلي کېدونکې پروژې په اړه هر اړخیز معلومات وړاندې کړل او ژمنه یې وکړه، چې خپله پروژه به پر وخت او پوره شفافیت سره ترسره کوي.
د یادونې وړ ده، چې په پای کې د یادې ادارې او موسسې له لوري ټولټال د دوه سوه او دوه اتیا زره او شپږ سوه او څلو نوي (۲۸۲,۶۹۴) ډالرو په ارزښت د ګډو همکاریو تفاهم نامه لاسلیک شوه. چې له مخې به یې، یاده مؤسسه د ننګرهار ولایت په جلال آباد ښار کې ۷۵۳ مستحقو کورنیو هرې یوې کورنۍ ته، د غور ولایت په پسابند ولسوالۍ کې ۷۱۷ هرې مستحقې کورنۍ، د بامیان ولایت په مرکز کې ۱،۰۵۶ هرې مستحقې کورنۍ ته او د کونړ ولایت په سرکاڼو او نرنګ ولسوالیو کې ۷۰۰ مستحقو کورنیو هرې یوې کورنۍ ته د خوراکي توکو د اخیستلو په موخه ۵،۰۰۰ افغانۍ نغدي پیسې ووېشل شي.
نېټه:۱۴۴۷/۸/۱۵ هـ ق
له پېښو سره د مبارزې آمادګۍ ملي اداره
