په فراه ولایت کې د کډوالو د شهرک لپاره د خاورین بند د جوړولو پروژه پرانیستل شوه
د فراه ولایت له پېښو سره د مبارزې آمادګۍ ریاست د سېلابونو له احتمالي خطرونو څخه د مخنیوي او د کډوالو د شهرک د خوندي توب په موخه د یو خاورین بند د جوړولو پروژه رسما پرانیستله.
د دې پروژې د پرانیستنې مراسمو کې د یاد ریاست محترم رئیس الحاج مولوي محمد اسرائیل سیار، سیمه ییزو اوسېدونکو او د اړوندو ادارو مسؤلینو شتون درلود.
د ترلاسه شویو معلوماتو له مخې، یاده پروژه د ولایتي بیړنۍ کمېټې د ماشینرۍ او د تېلو او نورو اړینو مصارفو لپاره له پېښو سره د مبارزې آمادګۍ ملي ادارې د درې سوه زره (۳۰۰،۰۰۰) افغانیو بودجې په همکارۍ د ۵۲۰ متره اوږدوالي او ۲ متره لوړوالي په لرلو سره تطبیق کېږي، چې په مستقیم ډول سره به د راستنېدونکو ۱۰۸ سرپناه وې د سېلابونو له خطرونو څخه خوندي شي.
نېټه: ۱۴۴۷/۸/۱۴ هـ ق
له پېښو سره د مبارزې آمادګۍ ملي اداره
