د ننګرهار ولایت د کوټ ولسوالۍ کې د استنادي دېوال د جوړولو او د سېلابي لارې د پاککارۍ چارې پيل شوې
د ننګرهار ولایت د کوټ ولسوالۍ په لاغرجوی کلي کې د استنادي دېوال د جوړولو او د سېلابي لارې د پاکولو چارې رسمآ شوې. د دې پروژې د پلي کولو موخه د احتمالي سېلابي ګواښونو مخنیوی او د سیمې د اوسېدونکو د زیانمننې کچې راکمول بلل شوې ده.
په دې پروژه کې به د ۸۰ متره په اوږدوالي او ۴.۵ متره په لوړوالي یو استنادي دېوال جوړېږي چې له پېښو سره د مبارزې آمادګۍ ملي ادارې په مالي ملاتړ او د ننګرهار ولایت له پېښو سره د مبارزې آمادګۍ ریاست لهخوا پلي کېږي. د دې پروژې په بشپړېدو سره به سلګونه کورنۍ، دوکانونه، ښوونځی، جوماتونه او نور عامه او شخصي تأسیسات د احتمالي سېلابونو له ګواښ څخه خوندي شي.
د لاغرجوی کلي اوسېدونکو د دې پروژې د کار د پيل له امله خوښي څرګنده کړه او د ننګرهار ولایت له پېښو سره د مبارزې آمادګۍ ریاست د مسؤلینو له پر وخت پاملرنې او اقدام څخه یې مننه وکړه، او ټینګار یې وکړ چې د دې ډول پروژو پلي کول د طبیعي پېښو له امله د رامنځته کېدونکو خطرونو په کمولو کې مهم رول لري.
نېټه:۱۴۴۷/۸/۱۰ هـ ق
له پېښو سره د مبارزې آمادګۍ ملي اداره
