۱,۱۴۲ زلزله ځپلو کورنیو ته په سمنګان ولایت کې نغدې مرستې ووېشل شوې
د سمنګان ولایت له پېښو سره د مبارزې آمادګۍ ریاست، د یاد ولایت زلزله ځپلو ته د رسېدنې کمېټې په مالي ملاتړ، د دې ولایت په حضرت سلطان ولسوالۍ کې ۱,۱۴۲ زلزله ځپلو کورنیو ته چې کورونه یې د وروستۍ زلزلې له امله په نیمه او بشپړ ډول ویجاړ شوي وو، له سروې وروسته نغدې مرستې ووېشلې.
په دې لړۍ کې د مسؤلینو په شتون کې له یاد شمېر کورنیو څخه ۶۱۶ کورنیو هرې یوې ته ۷,۰۰۰ افغانۍ او ۵۲۶ کورنیو هرې یوې ته ۴,۰۰۰ افغانۍ ووېشل شوې، چې ټولټال شپږ میلیونه او څلور سوه او شپاړلس زره (۶,۴۱۶,۰۰۰) افغانۍ نغدې پیسې د یاد شمېر کورنیو لپاره ځانګړې شوې وې.
نېټه:۱۴۴۷/۷/۲۴ هـ ق
له پېښو سره د مبارزې آمادګۍ ملي اداره
