د زابل ولایت په مرکز کې څلور ضربه په لاس جوړشوي ماینونه کشف او خنثی شول
له پېښو سره د مبارزې آمادګۍ ملي ادارې د ماینپاکۍ د انسجام او همغږۍ ریاست، د (0708606060) شمېرې له لارې د بیړنۍ اړیکې پر بنسټ، د DRC مؤسسې چې له یادې ادارې سره د همکارۍ هوکړه لیک لري، چټک ځواب ویونکی ټیم د یاد ولایت مرکز قلات د اومکي کلي ته ته واستوه، چې د ماین پاکۍ د عملیاتو په ترڅ کې څلور په لاس جوړ شوي ماینونه کشف او په خوندي ډول له منځه یووړل شول.
د ترسره شویو عملیاتو پر مهال، په لاس جوړشوي ماینونه چې د سیمې د اوسېدونکو ژوند یې له جدي ګواښ سره مخ کړی و، د خوندیتوب له اصولو سره سم وېجاړ او له منځه یووړل شول.
نېټه:۱۴۴۷/۷/۲۳ هـ ق
له پېښو سره د مبارزې آمادګۍ ملي اداره
