د لغمان ولایت په مرکز مهترلام کې د سيند د لارې د بدلون چارې پيل شوې
د لغمان ولايت له پېښو سره د مبارزې آمادګۍ رياست د یاد ولایت په مرکز کې د سیند د لارې د بدلولو چارې، چې بېلابېلې سیمې یې د سیند د اوبو له جدي ګواښ سره مخ کړې وې له دقیقې سروې وروسته پیل شوې.
د لغمان ولايت له پېښو سره د مبارزې آمادګۍ رياست محترم رئيس وويل اوس مهال په ياده سيمه کې د دې لارې د بدلون کارونه په چټکۍ سره روان دي او تمه ده، چې د سيند د لارې د بدلون چارې به په نیږدې څلورو ورځو کې بشپړې شي، چې له دې سره به ياده سیمه د سيند د اوبو له جدي ګواښ څخه خوندي شي.
د یادې لارې په بدلون سره به د دې ولایت شاوخوا ۴۰۰ کلي د سیند د اوبو له خطر څخه خوندي شي.
د یادونې وړ ده، چې د يادو سيمو اوسېدونکو د لغمان ولايت له پېښو سره د مبارزې آمادګۍ رياست له هڅو مننه وکړه او ويې ويل چې د دغو وقايوي اقداماتو په ترسره کېدو سره به په راتلونکي کې سيمه د سيند له خطرونو څخه خوندي پاتې شي.
نېټه: ۱۴۴۷/۷/۱۶ هـ ق
له پېښو سره د مبارزې آمادګۍ ملي اداره
