د بدخشان ولایت په کشم ولسوالۍ کې د اوبو رسولو د یوې شبکې د جوړولو کار بشپړ او ګټې اخیستنې ته وسپارل شوه
له پېښو سره د مبارزې آمادګۍ ملي ادارې او د ACTID موسسې ترمنځ د لاسلیک شوي هوکړه لیک پر بنسټ، د بدخشان ولایت د کشم ولسوالۍ د خم مغاب کلي اړوند د اوبو رسولو پروژه، ټولټال دوه میلیونه پنځه سوه او اوولس زره درې سوه او درویشت (۲،۵۱۷،۳۲۳) افغانیو په لګښت، د اکټیډ دفتر لخوا د AHF دفتر په مالي ملاتړ، د بدخشان ولایت له پېښو سره د مبارزې آمادګۍ ریاست تر مدیریت او څارنې لاندې بشپړه او ګټې اخیستنې ته وسپارل شوه.
دا پروژه د کشم ولسوالۍ، د اقتصاد ریاست، له پیښو سره د مبارزې آمادګۍ ریاست د استازو، سیمه ییزو مشرانو او اوسېدونکو په شتون کې رسما پرانیستل او سیمه ییزو اوسېدونکو ته وسپارل شوه.
په یاده پروژه کې د ۲۸ متره مکعب حجم په لرلو سره د څښاک د اوبو یو باب ذخیره، له چینې څخه د اوبو ذخیره ته د ۱۰۵۰ متره اوږد داخلي پایپ ترمیم او بیارغونه، د ۵۸۵۶ مترو په اوږدوالي سره د کلي د داخلي شبکې بشپړ ترمیم او بیارغونه، د ۲۰ پایو شیر دهنونو ترمیم او بیارغونه، د چینې لپاره د نوي محافظتي دیوال جوړول، د یو باب ګیټ وال جوړول، او د خم آب درې له سر څخه د ۵۰ متره کیبل سره د یو جوړه دره ګذر جوړولو شتون درلود.
د دې پروژې په پلي کیدو سره، به پاکو او د څښاک وړ اوبو ته د خم باغ کلي د اوسېدونکو لاسرسی د پام وړ ښه شوی، او په دې سیمه کې به د اوبو د کمښت ستونزې تر ډیرې اندازې حل شوې دي.
په پای کې، مسؤلینو له سیمه ییزو اوسېدونکو وغوښتل چې د اوبو رسولو شبکې په منظم ساتلو کې دې بشپړه همکاري وکړي.
همدارنګه، د سیمه ییزو اوسېدونکو هم د دې پروژې په بشپړېدو خوښي څرګنده کړه او د اسلامي امارت له مشرتابه، له پیښو سره د مبارزې آمادګۍ ملي ادارې، د ACTID دفتر او د AHF دفتر څخه یې مننه او قدردانی وکړ.
نېټه: ۱۴۴۷/۷/۰۳ هـ ق
له پېښو سره د مبارزې آمادګۍ ملي اداره
