د کابل ولایت په میربچه کوټ ولسوالۍ کې ناچاوده توکي کشف او خنثی شول
د کابل ولایت له پېښو سره د مبارزې آمادګۍ ریاست د AREA ماین پاکۍ مؤسسې د تخنیکي ټیم په ملاتړ، د یاد ولایت د میربچه کوټ ولسوالۍ په سیاب چرم ګر کلي کې ۴ عدده د هوان مرمۍ ، ۶ عدده د توپ مرمۍ او ۳۵ عدده د داشکې مرمۍ کشف او په خوندي ډول له منځه یوړلې.
د یاد ولایت له پېښو سره د مبارزې آمادګۍ ریاست له خلکو وغوښتل، چې د هر ډول ناچاوده او مشکوکو توکو د لیدو په صورت کې دې له اړوندو مسؤلینو سره اړیکه ونیسي ترڅو یې د احتمالي خطرونو د مخنیوي لپاره اړین اقدامات ترسره شي.
د یادونې وړ ده، چې د خلکو د ځان او مال د خوندیتوب لپاره د ولایت په کچه د ماینونو او ناچاوده توکو د موندلو او له منځه وړلو لپاره دا لړۍ دوام لري.
نېټه: ۱۴۴۷/۶/۲۶ هـ ق
له پېښو سره د مبارزې آمادګۍ ملي اداره
