د ننګرهار ولایت له پیښو سره د مبارزې آمادګۍ ریاست ۸۲ زلزله ځپلو کورنیو ته نغدي او غیری خوراکي مرستې ووېشلې
له پېښو سره د مبارزې آمادګۍ ملي ادارې او د ډنمارک کډوالۍ سازمان (DRC) تر منځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په تخنیکي ملاتړ او د SIDA مؤسسې په مالي ملاتړ، د دې ولایت د دره نور ولسوالۍ ۸۲ زلزله ځپلو کورنیو ته له سروې وروسته نغدي او غیری خوراکي مرستې ووېشلې .
په دې لړۍ کې د مسولینو په شتون کې هرې کورنۍ ته ۵ تختې کمپلې او ۱۸،۰۰۰ افغانۍ نغدې پیسې ووېشل شوې، چې ټولټال د یاد شمېر کورنیو لپاره یو میلیون او څلور سوه او شپږ اتیا زره (۱,۴۷۶,۰۰۰) افغانۍ ځانګړې شوې وې.
په پای کې، د مرستو ترلاسه کوونکو کورنیو له اړوندو مسؤلینو څخه مننه څرګنده کړه او د ورته مرستو د دوام غوښتنه یې وکړه.
نېټه: ۱۴۴۷/۶/۲۵ هـ ق
له پېښو سره د مبارزې آمادګۍ ملي اداره
